المشاركات
"فاديـــــــــــــــــــــــــــــــــــــــــى"
شق اسمه الهواء بجانب أذنه مندفعا فالتفت فجأه ليراها ... وكانت هى .. كما هى باستثناء أنها الآن ... لا تناديه هو!
رأى ولد صغير يأتى مبتسما بشقاوه لا تخلو من الخوف من العقاب ولكنها سامحته .. فقط نظرت له نظرة معاتبة ونهرته بصوت لا تعرف منه إن كانت تصرخ فيه أم تضحك معه!
نعم هو صوتها! هى ضحكتها!
هو غضبها الذى يختفى فى ثوان كالأطفال!
وكاد يناديها ولكنه اكتشف أنه لا يحتاج لذلك فقد كانت بالفعل تنظر له ونظراتها معلقة بوجهه!
سأل بعينيه وهو ينظر للولد
فأومأت وكأنها تقول له نعم وضعت يديها على كتف الولد وهمست:
- ابنى
- شبهك!
- ولكنه على اسمك انت!
- فادى؟!
- نعم .. كان نفسى يبقالى ابن يطلع لك فى كل حاجه ... حتى الاسم!
ودمعت عيناها!وهى تقول:
أنا كنت هاموت عشان صممت اتأخر فى الولاده 3 أيام عشان يكون برج حَمَل زيك!
وسعت عيناه وهو يحملق فيها....
يا رب يطلع زيك يا فادى .. عشان أديله كل اللى ماقدرتش أديهولك!
- بس هو هيطلع حظه أحسن منى! عشان أنت أمه! وهتفضلى جنبه على طول
- يا رب
- يا رب
وسابو بعض ... تانى!
لكن مشيو ونظراتهم لبعض لفاهم ومدفياهم فى عز البرد!
هناك ٥ تعليقات:
ماعرفش افتكرت فيروز ليه لما قريت عنوان البوست " فادى " .. يمكن عشان فكرنى باغنيتهاالشهيره " شادى "
ولما قريتها حسيت انى بافتكر فيروز اكتر و اكتر .... فى اغنيه لفيروز انا مش فاكر اسمها بس فيها كوبليه بيقول " حبوا بعض ززز سابو بعض "
مش عارف اقولك دى حكايه بتتكرر كتير جدا لغايه ما اصبحت عادى .. لكن دايما الاطراف اللى فيها هما اللى بيكونو حاسيين بالنار لوحدهم
انما احنا لما نسمع حكاينهم نفتكر فيروز
" حبوا بعض ... سابو بعض "
تعليقك ذكى أوى يا che ولو إنى لغاية دلقتى مش عارفه معنى اسمك
طريف ومختصر زى القصة اللى بتعلق عليها
شكرا لذوقك واهتمامك ومتابعتك
وعلى فكره هى "حبوا بعض تركوا بعض"
وشكرا مره تانيه
howa kan fi moseqa fil background :)
and hamoot 3shan borj el dalw deeh kant hatfatsni min el de7k 3shan i imagined her saying it.....lovely sotry!
Jerkulez: I'll change the zodiac sign after i read ur comment .. u'r right .. it made me laugh too :)
thanks
إرسال تعليق